Written by Martin Lalhmunmawi Hmar.

 Hmangâina vângduoi part = ll.  2010 history.

••••••••••••••••••••••••••••••••••

By : Martin Lalhmunmawi Hmar

Lungril lê titakzeta tiem dingin ditsakna kan hlân che.

*************************

Khawvêl var ka hung hmu theia inthawk ṭâp thei le innui theia ṭawng dawk theia ka um hi ka lâwmin vângnei kan ti bîk a nih.

Tlangvâl pakhat hi a nû sunga a um laiin khawvêl a hmu thei hma po chun, a nû in rinum takin a vawnâ a vawn chau nilovin thla iemanî chen chu a nû sûngah chun rinum takin a um hnung chun, khawvêl var a hung hmu vê ta a nih. Chu tlangvâl hming chu Thanga a nia, Ama khawm chu a hung puitling deu deuva a hung tlangvâl ṭan ta a, piengken mawitak le infit zet zawt el hi a ni a, iengkim ṭhatna famkimin ṭha sienkhawm amaa chun, mihriem tlingnâwnâ a um ta tlat el â, mi hai angin ruol a banzo ve ta nâw el chu a ni a. Iengtiziea ruolban zo ta lova um el am a ni a? Ti a hnuoi tieng khun ei ziek zawmpei ding a nih.

 Ṭumkhat chu amî'n anhril nghâknu hmelṭha a tawng ve a, a ta ding chun lassi hmelṭha nêk khawmâ mawi le nal a nia, a vawikhat tawng nia inthawk chun iengdang reng a dâwn thei ta nâw a, nitin zantin chun chu nghâknu hmelṭha, thangi chu hmu nuomin thangi ngâituonâ chun sûnkhuo zânkhuo a'ntawi hlaka, Thanga chun ruolṭha pakhat a nei a, a ruolpa le chun nitin hin thangi hmu nuomin Dawrah an lo um hlak a, thangi College fê chu lo nghakin lo biek a'ntum hlak sienkhawm a dâwn lungruk chu kimte'n hang hrilsuok ngam el lovin a um hlak a, hnai khawm a'nhnai ngam ngâinâw a nih.

 Nikhat chu thangâ chun chuongâ a hmangaitak a lungril ngâituona po pova a pêk thangi chu bie lo, be lova um chu nakie hin mi dangin a hma lo khal an t'a ka hmangai hi chânpal ka tih, ti inlauna nasatak el a nei a, sienkhawm, Ama a chun harsatna lientakin a nangvêl bawk sî a nih.

Thangi hang bîka a hmangainâ thu le thangi chunga a lungril lo putdân po po dâm hang hrilin hang inzâwt nuom hlê dê sienkhawm Thangâ chu ṭawngsuok harsa a tiin, hrilngam lovin a lo um nàwk hlak a nih.

 Vawikhat chu Thangi College fê lo nghâkin (Love later) Hmangainâ lekhathawn pe dingin a'nsiengsa ta lema, thangi chu a hung ta ngei a lampuia phone hung thaw peiin Earphone in hla a ngâitlâka, an leh thanga in, biek tumâ a hang ko chun Thangi chun a lo uksak naw a, a hriet naw leiin lekhathawn chu a chunî chun a pêk ta naw a, a zîngah a lo inchân, nghâknâwk a,  hi taka hin chu a nangchie'ng ta hle a, Bauvin hang ṭawngdawka hang hril suok el hlak a rem sî nâw a, lekhathawn a pêka a hang tiem khan thangi lung tinâw zâwng tak kha a lo ni âwm a nih, a hmâiah a bêna Nang hi iem a tia imi chawkbuoi zinga mi sukbuoi ta ngâinâw rawh Nang ni ang ta ding hin hi khawvêlah hin ka pieng vê nawh tiin Thangâ lekhathawn chu pawtthlêrin a hmàiah a dénga, a mâksan a, hlâmkhat dingvêl a hang pêl char chun thangi chu Motor chun a hung bâw ta hlau el a,  Thangâ chun damdâwi lnah ṭhuoiin Operation a'nthawtir nghâla sêngso po po chu thanga in a senghnung chun Thangi chu a hung ṭha suok theia sienkhawm khawhmu thei ta lovin a um ta a nih.

 Thanga chun a hmangaitak a iengkima iengkim khawhmu thei lova um el ta chu a en thei ta nâw a, a khawhmu theina dingin Thanga chun a mit a pêk ta a, thanga chun a hmangaitak ta ding chun iengkim thaw a'nhuomin chânkhawm a'nzuom vawng a nih, Nang le kei hin teh ei hmangaitak hai ta dingin Iengang chen am chân ei inhûom a? Tulai khawvêl Fashion a'nsâng taa, Paisa şûm hmangnâ a'nsâng ta bawk leh, mi rethei hai ta ding hin chu Ieng thaw ngâinarak a um thei ta nâw a nih, Nunghâk hai hlak chun paisa hau hau hi ngâizawng ding le pasalah neiding chau En hin an En ta sî a, kei anga Hmelsi rethei bawk hai ta ding lem hin chu Nunghâk ta ding hin ei pieng vê nâw el an taa,  Hmel sî sienkhawm paisa şûm hauruok hai ta ding chun, Nunghâk a'nvâng nâwk nâw sî,  Hmangaina umzie ei hriet nâw lei chauvin Nau lungsietum ei tam pha chu annâwm a nih. Tlangvâlin Nunghâk a ṭai a kum nga zênzâwn a ṭaihnung khawmâ pawmpêk thei lo, a san chu a retheina le hmelsietna lei khawm lo ni el thei maw, anleh Nang Nunghâk? Hmelṭha hausa inrem lo Insûng le pathien hrefu lo Insûnga chêng am I thlang ding? Hmelsi paşie Insûng inremtaka umkhawm hlak pathien ṭi mi ngaisak mi Insûngâ lût le Lohma sinthaw nitin fâkfâwm zawnga in lût Insung I thlang ding?  

Nitin fâkfâwm zawng harsatak Insûnga lût chu tulai Nunghâk chun ei lûtna dingin ditnâw seng ei tih. Amiruokchu, Bufâktâwmzâta insêl inhal Insûnga Bufâk nêk chun Vawikhat bunghei khawm thlang lêm ka tih Bible in a ti kha, tulai Nunghâk hai chu harsa deuva sinthaw ei pei ta nawh. Inhawi deuva şûm lâklût le fâk chau thlang khawm ei tam tah. 

Chuleiin, hi taka Thangi khawm hi a hmatieng Future hrelâwk lovin thanga paşîe em em khan a lo hmangâina kha deu sawtakin sirah a hnâwlvêlâ second 10 khawm tlinghman lovin a tuorpha a nih. 

Thanga chu mitdêlin a um taa, thangi ruokchu harsatna um lovin nûn panngâiin a umnâwk el a, Thangâ'n a hmangainâ po po chu, Thangî chun a hrietthiem nâw leiin mi tû hrietlo chun a tuor ta ṭawk ṭawka,  chuonga thangi a hungdam ṭha ta phi'ng chun thanga le a ruolpa chu thangi hai Inah valêngin Thangi chun a hringnâ inhlântu a ni ti a hrietthiem chuongnâwa, hunsâwtnâwte a'nlêng chun Thanga le a ruopa chu a'nsuok taa, lampuiah a'nfêlai zing chun Thanga chun a ruolpa chu a'nṭhepuia Motor a hung tlâna, Thanga chu lampui insawn ta lovin a ngirchawta motor hung chu a ruolpain a hmua, a ruolpa'n intâwlhmang rawh ti malâma san tumin a tlân a chu a nang chuong ta nawa, thanga chu a hmangaitak A hringna iengkim inhlântu thangi lei chun a hringna a chân ta a nih. Thangi chun thanga chanchin a hrietin Insirhle sienkhawm thanga ta dingin umzie anei ta nawa insirin kokir tum sienkhawm thangi chun mithli thla hmabâk chu thaw thei dang a nei chuong lêm ta nâw a nih.  

Ei hmangai na zawnghai hin an mi hmangai kher nawâ, a hmangaitu che hai kha hmangaina indik tak lem a lo nih, ti hriet le a min chûktir chu a nih.